Verri en útrásarvíkingarnir?

Þetta er mjög óheppilegur tími að ákæra mótmælendanna sem ruddust inn á Alþingi og ollu þar usla. Auðvitað var þetta ámælisverð hegðun sem maður er ekki hress með.

En var það ekki samt að vissu leyti skiljanlegt að sumir reiddist illa? Eftir þetta skelfilega hrun með allri spillingu sem kom í dagsins ljós? Og þarna á þingi sátu ennþá sömu menn og konur sem sumir báru ábyrgð á hruninu og áttu einkavini sem áttu sök á þessu öllu saman? Og þeim datt ekkert betra í hug en að ræða mál eins og t.d. áfengissölu í búðum!

Þjóðin bíður spennt eftir hvort og hvenær stóru sakamennirnir verða ákærðir og hvort við þeirra brotum stendur einnig til líflangur fangelsisdómur.

Mál mótmælenda þingfest

Athugasemdir

[Sigurður Grétar Guðmundsson, 21.1.2010 kl. 12:51]

Pistill þinn að ofan kemur mér ekki á óvart og það munu margir slíkir á eftir fara. Að ráðast með ofbeldi inn á Alþingi og slasa sársaklausa starfsmenn Alþingis og lögreglumenn hefur ekkert með útrásarvíkinga að gera. Það er mín skoðun að þarna hafi ekki verið neina hugsjónamenn að ræða heldur þann hluta mótmælenda sem unnu gegn málstaðnum, þeir voru fyrst og fremst að fá útrás fyrir eigin skrílsáráttu.

Með því að ákæra þessa einstaklinga er ekki á nokkurn hátt verið að sýkna útrásarvíkingana eða þá stjórnmálamen sem komu okkur á kaldan klak. En í máil útrásarvíkinganna verður að afla gagna og það veit ég vel að þar er kjarnahópur að vinna hörðum höndum en eins og Eva Joly sagði þá verður að undirbyggja þau mál vel en búast má við handtökun í lok þessa árs.

Ég ætla að vona að þú fallir ekki þann brunn að bera þessar ákærur saman við eftirmál þess sem gerðist á Austurvelli þegar Ísland gekk í Atlantshafsbandalagið 1949, líklega ertu það ung að þú munir ekki þá atburði. Þá réðist enginn inn í Alþingishúsið. Hinsvegar varstórum hópi lögregumanna sigað á fólkið og ekk nóg með það; rummungum úr Heimdalli einnig sem höfðu verið geymdir inni í Aþingshúsinu.

Þá var svo sanarleg brotinn réttur á saklausum borgurum.

[Eygló, 22.1.2010 kl. 02:55]

Já, SGG sagði nokk svipað og ég ætlaði að segja.

Hinir ákærðu eru ansi langt frá því að hafa haft hreint mjöl í pokahorninu fram að þessum látum, þá sem þeir m.a. meiddu fólk.

Þetta var ekki það fyrsta sem allavega einn hafði gert gegn lögum. Fólk á ekki í skjóli heiðarlegra mótmæla að komast upp með skapofsaköst og útrás fyrir þeim.

Og auðvitað var fljótlegra að rannsaka þeirra mál og ákæra, heldur en í málum þeirra manna sem hafa gert ormagöng um allt samfélagið.

Í öllum bænum ekki taka þetta persónulega til ÞÍN