Hvað á Bjarni Ben. við?

Fyrst les maður í fréttum í dag að Bjarni Ben. sagðist ekki hafa fengið boð um samráðsfundinn í dag. Svo sér maður afrit af tölvupósti þar sem er greinilegt að honum hefur verið boðað. Eftir þetta les maður yfirlýsingu frá formanninum sjálfstæðisflokksins að komið hafði í ljós að þetta hefur ekki verið neinn samráðsfundur (fundur sem hann sótti ekki!). Nú þarf maðurinn að athuga sinn gang. Við erum ekki lengur tilbúin að hlusta á svona þvælu. Nú viljum við heyra hvað Sjálfstæðisflokkurinn vill leggja til máls. Allt svona gagnslaust nöldur sem kom frá flokknum undanfarið er bara skemmdarverk.

Fráleit umræða um samráðsfund

Athugasemdir

[Sigurður Þorsteinsson, 11.10.2010 kl. 16:57]

Kæra Úrsúla. Samráðsfundur er það á íslensku, þegar hópur kemur saman, oftast ekki með fyrirframákvörðun um hver niðurstaðan er og ræða málin. Komast síðan sameiginlega að niðurstöðu.

Í Þýskalandi er þessi aðferð mjög vel þekkt og hefur skilað þjóðverjum miklum árangri. Í fyrrum Austur Þýskalandi þýddi samráðsfundur allt annað. Þá komu menn lafhræddir inn á fund, oft með fyrirfram ákveðna niðurstöðu frá flokksforystunni. Ef menn voru með múður gat fólk fengið heimsókn frá Stazi. 

Samráðfundir ríkisstjórnarinnar eru meira í anda fyrrum Austur Þýskalands, enda hugmyndafræði ríkisstjórnarinnar öll í þeim anda.