Einstaklingsmiðað nám?

Auðvitað bitnar niðurskurður í skólakerfinu á því hve vel er hægt að sinna nemendum. Námshóparnir hafa stækkað, kennarar eru undir meira álagi, námsframboð hefur minnkað og þá sérlega í verkgreinum. Öll falleg áform um einstaklingsmiðað nám eru orðin tóm. En við vissum auðvitað að þetta myndi koma, alveg eins og niðurskurður á öðrum sviðum. Mér finnst bara að það mætti viðurkenna að það á sér stað mikil skerðing á skólastarfinu, því miður. 

Kreppan bítur í skólakerfinu

Athugasemdir

[Ben.Ax. (Benedikt Jóhannes Axelsson), 15.10.2010 kl. 17:39]

Skólakerfið hefur breyst mikið frá því að ég fór að kenna fyrir 44 árum. Sumt hefur breyst til batnaðar en annað til hins verra. Mismunandi skoðanir hafa leitt til þess kerfis sem við búum við. Ég held að ef við þurfum að spara sé einstaklingsmiðað nám síst til þess fallið að auka sparnað. En það má spara víða og ekki síst í menntakerfinu sem að mínu mati hefur verið þanið út í næstum því tóma vitleysu eins og sjá má á Hólum í Hjaltadal.