Friðarjól

Mér blöskraði um daginn þegar ég hlustaði á samtal 11 ára stráka í skólanum. Þar var auðvitað rædd hvað þeir vildu helst fá í jólagjöf. Leikfangabyssur af dýrustu og bestu gerð voru sérlega athyglisverðar. Nú spyr ég: Er ekki tími kominn að draga úr stríðsleikjunum og ræða við börnin hvað það þýðir að fara í stríð og drepa fólk? Við hér á landi höfum sem betur fer ekki þurft að þola þessar hörmungar sem fólk annar staðar í heiminum hefur þurft að þola og gerir enn.

Ég óska öllum friðarjól.

Athugasemdir

[Ben.Ax. (Benedikt Jóhannes Axelsson), 10.12.2010 kl. 18:15]

Þegar ég var ungur var Roy Rogers aðalhetjan okkar og við drápum hver annan eins oft og við gátum í þykjustuleikjum okkar. Leikir barna taka mið af tíðarandanum hverju sinni og ég held að þeir hafi í sjálfu sér hvorki góð eða slæm áhrif á þau. Það er hins vegar að mínu mati umhugsunarefni hvaða áhrif netleikir hafa á börn og unglinga. Farið er að tala um fíkn í þeim efnum og ef svo er verður að reyna að bregðast við henni.

[Úrsúla Jünemann, 11.12.2010 kl. 16:40]

Netfíkn er að verða mjög stórt vandamál, bæði hjá ungum sem öldnum. Þetta drepur persónuleg tengsl og er þegar búið að ganga frá mörgum hjónaböndum.