Borga Icesave, ekki spurning

þjóðverjar urðu að borga stríðsbætur í marga áratugi eftir að einn brjálaður maður kom heila þjóð algjörlega í rúst. Þeir voru aldrei spurðir hvort þeim fannst það réttlátt eða ei. Þeir áttu heldur ekki efni á þessu en urðu samt að borga. Alveg bókandi að flestir höfðu aldrei viljað stríð en þorðu ekki að mótmæla enda hefði það þýdd þunga refsingar og jafnvel aftökur.

Hér þoldu fáir að mótmæla Dabba kóng og hans hirðfylgi. Hér voru  margir hæstaréttadómarar skipaðir á pólitískum forsendum sem kemur glögglega í ljós núna: Margir eru vanhæfir að dæma í landsdómi vegna máls Geirs Haarde og nýjasta niðurstaðan vegna kosningar til stjórnlagaþings segir sína sögu.

Hér klöppuðu flest allir fyrir "fjármálasnillingunum" og trúðu á snilld þeirra, vildu vera eins og þeir. 

þjóðin var sofandi og kærulaus, margir kusu að detta í neyslufyllerí. Auðvitað  þurfum við að súpa seyði af þessu og borga skuldirnar, hvað annað? Sem fyrr sem betur.

Athugasemdir

[Stefán Júlíusson (IP-tala skráð) 10.2.2011 kl. 14:47]

Hrikalega væri gaman ef við gætum bara valið hvaða skuldir við borguðum og hverjar ekki.

Hvað hefðu margir ákveðið að borga ekki af lánum fyrir Kárahnjúkavirkjun;)

Það að borga skuldir annara er hluti af því sem er að vera hluti af þjóð, samfélagi.

Oftast gleymist það að það voru einstaklingar sem lögðu inn á Icesave. Eins og þú og ég.

Ég hef hitt 3 einstaklinga í Berlín sem lögðu inn peninga á Kaupthing Edge. Það segir mér að það er meira en stór hættulegt að opna útibú erlendis ef ég er þegar búinn að hitta þrjá á "förnum vegi".

[Svavar Bjarnason, 10.2.2011 kl. 15:35]

Það er hryggilegt að sjá alla sögufölsunina sem íhaldsmenn nota um ICESAVE málið. Þeir virðast ekki gera sér grein fyrir því að það voru ÞEIRRA  gulldrengir sem skópu þetta ICESAVE mál.

Fyrsti ICESAVE samningurinn sem var lagður fram, var í óktóber 2008, undirritaður af Baldri Guðlaugssyni og Árna Matthiesen. Svavarssamningurinn sem var lagður fram 2009 var miklu skárri en Baldurssamningurinn, en hvorugur þessara samninga kom óbreyttur til atkvæðagreiðslu á Alþingi. Samningurinn sem var felldur í þjóðaratkvæðagreiðslunni var endurbættur Svavarssamningur. Núverandi samningur er örugglega illskársti samningu sem  hægt er að ná. Dómstólaleiðin getur orðið okkur hættuleg. Ef illa fer verðum við háðir náð og miskunn Breta og Hollendinga. Vissulega er ekki ríkisábyrgð á inneignum í einkabönkum, en menn meiga ekki gleyma neyðarlögunum sem voru sett 2008, en þar voru tryggðar innistæður Íslendinga, en ekki Hollendinga og Breta. Svo má heldur ekki gleyma öllum samskiptum forráðamanna okkar, bréflegum og símleiðis við þessa aðila. Hjá öllum siðuðum þjóðum eru slík samskipti ansi bindandi.

Þetta ICESAVE mál hefur ekkert með réttlæti að gera, heldur skynsemi og kalt raunveruleikamat.

[Eyjólfur Jónsson, 14.2.2011 kl. 22:26]

Þetta stenst ekki! Stríðsskaðabætur er allt önnur Emma. Borgum við með frjálsum vilja þetta Icesave kvittum við um leið undir að borga fyrir þessa glæpamenn sem ENNÞÁ eru að stela frá okkur og úr ríkissjóði. Þetta verður að stöðvast NÚNA og snara þessari biltingu af stað bráðum. Ég er orðinn annsi leiður á að bíða eftir hinum.Glæpamennirnir hafa efni til að bíða en ekki ég.