Enn eitt ævintýri, en hver borgar?

Vaðlaheiðargöngin er búin að vera talsvert í umræðunum. Stórt spurningarmerki er um arðsemina og hver borgar svo brúsann ef væntingar standast ekki? Ekki á að plana alltaf út frá bestu forsendunum. Hve margir eru til að borga í göngin í staðinn fyrir að fara um Vikurskarð þegar gott er veðrið? Á þá að loka Vikurskarðið til þess að pína alla í gegnum rörið svo að það borgar sig? Hvað um ferðahópa sem fá miklu meira út úr því að fara fallega leið í staðinn fyrir að paufast í myrkri?

Ég er ansi hrædd um að við skattborgarar þurfum einu sinni enn að blæða fyrir eitthvað ævintýri sem er planað út frá allbestu forsendunum sem munu ekki standast.

Helstu forsendur innan marka

Athugasemdir

[Sigurður Haraldsson, 10.1.2012 kl. 17:16]

Af hverju er hægt að gera allt mögulegt annstaðar á landinu en þegar talað er um Vaðlaheiðargöng þá ætlar allt um koll að keyra! Bendi á að nú er ég fastur á Akureyri vegna veðurs og kemst ekki heim í Fellsenda sem er í Kinninni miðja leið til Húsavíkur sem sagt óviðunandi ástand allt vegna þess að Víkurskarð er slæmur vegatálmi, ástæða þess er að stórum hluta að vegurinn er ekki gerður eftir því sem heimamenn báðu um og því fór sem fór!

[Úrsúla Jünemann, 11.1.2012 kl. 12:48]

Ég hef nú bara ekki hreyft bílinn minn úr stæði í Mosfellsbænum frá því um áramót enda hlíðargöturnar þar illfærar fólksbílum. Svona er bara tíðarfarið núna víðar um land og við verðum bara að aðlagast þessu.