Silfurdrengirnir draga strax í land

Jæja, það kemur strax að því að "silfurdrengirnir " draga í land með sínum ofurfallegum kosningarloforðum. Nú virðist þeir fatta það að staða ríkissjóðs er verri en þeir héldu. Stunduðu þeir Sigmundur og Bjarni ekki báðir þingmennsku á síðustu tímabili? Hvar voru þeir þá? Alltaf í kaffi og fylgdust ekki með? Nú er það jæja og jaml og tönnlast á hagvöxt sem mun einungis nást með enn einu álveri - skítt með nýjan spítala og ókeypis tannlæknaþjónustu fyrir börn. Hvaða "hagræðingar" mun þjóðin þurfa að taka á sig til þess að fleiri álver munu risa með tilheyrandi virkjunum og skuldasöfnum?

Ég er ekki bölsýn en stefnir ekki nákvæmlega í sama farið en fyrir síðasta hrunið? Gylliboð, hagvöxtur, ofurbjartsýni, loftbolapólitík og --- hrun (sem litli maðurinn má borga fyrir).

En nú er sumar og sól!

Athugasemdir

[Eyjólfur Jónsson, 24.6.2013 kl. 15:38]

Sæl Úrsúla, eins og þú veist hefur allt álit og virðing manna fyrir þingmönnum hrakað mikið. Ekki gera þeir heldur mikið til að bæta stöðu sína með einhverju heiftarlega góðu eins og að koma fórnarlömbum okurlánanna til hjálpar. Þeir þora ekki að stinga sig úr og hafa sjálfstæðar skoðanir eða koma með óvinsælar lausnir, ekki óvinsælar fyrir kjósendur heldur starfsbræður sína og þá sérðu hve skakkt og brenglað þingmannaumhverfið er orðið. Þeir sjá núna að það er alveg sama hve vitlaust er stjórnað í landinu, þeir halda allir vinnunni. Er furða að unga fólkið fari alfarið úr landi og ég ræð alltaf fólki til að fara ef ég er spurður ráða um Noreg.