Gleymum ekki að taka til

Margir strengja áramótaheit og margt fjallar um að vera duglegri að hreyfa sig, stunda líkamsrækt og grenna sig til að passa inn í þann staðal sem tískan skipar okkur fyrir. Menn fögnuðu áramótin með "viðeigandi hætti", sendu margar milljónir upp í loftið -þetta er nú gott því það styrkir björgunarsveitirnar! Menn gleyma að hægt væri að veita þeim styrk á annan hátt.

Nú, það sem liggur eftir á götunum eru óteljandi pappakassar og alls konar drasl. Frá því í fyrra man ég eftir að sumt af þessu lá eftir langt fram á vor. Búast menn virkilega ennþá við því að "einhverjir aðrir" munu sjá um að hirða ruslið? Brettum nú upp ermina og hreinsum í kringum okkur eftir áramótagleðina!