Dapurlegt ráðaleysi

Ósköp var dapurlegt að horfa á fréttirnar í Ríkissjónvarpinu í kvöld. Geir Haarde birtist þar tvisvar í viðtali og var jafn ráðalaus í sínum svörum um íslenskt efnahagsástandið. Og Árni fjármálaráðherra talaði stöðugt um "menn" sem hafa gert mistök að undanförnu. Kann hann ekki að bera litlu orðin "ég" eða "við" fram?

Toppurinn var samt að aðalblýantsnagari í Seðlabankanum gaf ekki kost á sér í viðtal. Hefur hann annars einhvern tíma gert það? Ég meina að gefa kost á sér þegar óþægileg mál eru á dagskrá sem þarf að ræða?

Athugasemdir

[Guðjón Sigþór Jensson, 20.3.2008 kl. 12:35]

Kannski við sitjum uppi með eintóma strúta við stýrið í Stjórnarráðinu. Það er ekki góðs viti þegar strútarnir fela hausa sína í sandinn þegar á reynir en að ráða fram úr vandræðunum.

Mosi