Orkan og samgöngur

Ég skil satt að segja ekki sofandaháttinn ráðamanna í Reykjavík. Nú væri mál að bæta almenningssamgöngurnar. Núna þegar bensínverðið er umtalsefni númer eitt. Mér finnst að vísu furðulegt að fleiri fárast yfir eldsneytishækkun heldur yfir matvælahækkun. Ekki þurfum við að nærast á olíu en án matar getum við ekki verið.

Já, bensínið hækkar og hækkar og mun líklega hækka enn. Sífellt fleiri munu leita aðra leiða til að komast á milli staða en á eigin bíl. Nú væri tækifæri að styðja fólkið í því. Í staðinn fyrir að búa til rándýr gatnamót, fleiri akreina og fleiri bílastæði mætti Reykjavíkurborg gefa öllum starfsmönnunum sínum til dæmis frítt árskort í strætó. Það mætti loksins vinna í því að hjólreiðaleiðir yrðu búnar til meðfram öllum stofnbrautum á höfuðborgarsvæðinu. Það mætti leggja áherslu á að strætisvagnar fengu sérakreina á sem flestum leiðum og að ferðunum vagnana fjölgaði þannig að farið yrði amk. á 15 mín fresti.

Einnig finnst mér furðulegt að bílum sem nota aðra orku en bensín fjölgar ekki meira, alla vega bílum á vegum Reykjavíkurborgarinnar. Að við hér á Íslandi skyldum ekki nota okkar orku til að gera okkur óháðari olíunotkun í staðinn fyrir að selja orkuna á gjafaverði til stóriðjufyrirtækja.