Byflugnadauði

Litil frétt frá þýskalandi fjallaði nýlega um að býflugurnar í Rínardalnum deyja nú í stórum hópum. Þar sem ég átti heima þar á ungum árum tók ég auðvitað eftir þessari frétt. Flest allir vita að býflugur ásamt fleirum skordýrum eru mjög mikilvægar í náttúrunni. Þær bera frjókorn á milli plantna svo að plönturnar geta þroskað ávextir. Býflugnadauði getur þess vegna ollið stórtjón hjá bændum, ekki bara hjá þeim sem eru með býflugnabú til að framleiða hunang. Geðgátur eru uppi um hvað veldur þessum skyndilega dauða. Menn eru helst á því að ofnotkun ákveðna eiturefna er um að kenna.

Við menn erum frekar kærulausir í notkun eiturefna. Nú þegar vorið er gengið í garð og fólkið skoðar gróðurinn í görðunum sínum þá vil ég hvetja alla til þess að fara varlega með garðúðun og hugsa hvort maður kemst hjá því að nota eiturefni. Nokkrir maðkar í laufinu eru ekki ástæða fyrir því að láta eiturúða allan garðinn. Þetta væri eins og að skjóta með fallbyssu á spörfugla. Sendið þessa úðunarkarla heim sem eru á vorin á ferð og bjóða þjónustu sinni. Í litlum görðum er oft nóg að handtýna maðkana af runnunum. Grænsápublanda eða lífrænt efni til að úða með gerir einnig gagn. Og svo leyfum við fuglunum að hjálpa okkur að halda þessi meindýr í skefjum.

Athugasemdir

[Karl Tómasson, 16.5.2008 kl. 22:07]

Sæl Úrsúla.

Þetta er þörf og góð ábending og þú tekur áhugaverðan pól í hæðinni til að vekja athygli þína á þessu vandamáli.

Bestu kveðjur frá Kalla Tomm.

[LKS - hvunndagshetja, 18.5.2008 kl. 14:18]

Sæl, Ég tek undir þetta, móðir mín notar einmitt grænsápuna með góðum árangri í sínum "mini"-garði. Reyndar er sífellt erfiðara að treysta á fuglana eftir því sem nær dregur miðborginni, þeir finnast þar varla, líklega vegna mengunar!