Þetta var ekki spennandi

Við hjónin eiga pínulitinn árabát og erum dugleg að róa hann út á vatnið við bústaðinn okkar. En til þess að komast aðeins lengra frá þá höfum við velt fyrir okkur að kaupa litinn mótor á bátinn. Síðastliðið sumar vorum við að kanna málin og þá var í boði 2ja hestafla vél á um það bil 65000 krónur. Við ákváðum að bíða með það fram á næsta vor. En viti menn, samskonar vél kostaði í gær 110000 krónur. Eitt fyrirtæki er búið að kaupa upp keppinautinn á meðan. Er það þess vegna að verðið hefur næstum tvöfaldast á einu ári?

Við fórum í aðra búð sem selur fullt af flottum fullorðinsleikföngum. Þar gat maður dást að mótorhjólum, fjórhjólum, sæþotum og flottum bátum. En afgreiðslumaðurinn hristi bara hausinn þegar við bárum upp ósk okkar um 2ja hestafla vél. Svoleiðis voru þeir alls ekki með til sölu. Þetta var einfaldlega allt of ómerkilegt.

Athugasemdir

[Beturvitringur, 7.6.2008 kl. 21:03]

Já, einokunin, verðbólgan (gengisfall).  Maður getur aldrei vitað hvenær maður að stökkva til og kaupa.

Mín regla er einföld - eigi ég peninga fyrir hlutnum og haldi að hann muni veita mér og mínum ánægju í lengri tíma, og finnist ekki vera að ræna mig (verðið).  Kaupi ég og uni glaður við mitt.