Því miður er fólkið gleymið

Núna eru flestir hneykslaðir út af plottinu sem átti sér stað í ráðhúsinu í Reykjavík. En enn eru 2 ár í næstu kosningu. Mín reynsla segir mér að þangað til munu flestir vera búnir að gleyma þennan skrípaleik Sjálfstæðisflokksins, þennan óheiðarleika og þessa valdagræðgi. Hver mun muna eftir því hve illa borgarfulltrúar Sjálfstæðisflokksins fóru með Ólaf F.? Hver mun muna eftir hve ginnkeypt fulltrúar Framsóknarflokks eru fyrir tilboðum sem koma þeim aftur upp að kjötkötlunum?

Í skoðun Fréttablaðsins kom fram að 600 manns í Reykjavík voru spurðir hvernig þeim líkar nýja meirihlutinn. 55% tóku afstöðu og bara einn fjórði var jákvætt. En eftir standa 45 %. það er þessi hópur sem er ópólistískur. Það er þessi stóri hópur sem lætur aftur og aftur plata sig í að greiða atkvæði fyrir flokkana sem hafa mesta fjármagnið og geta verið með glæsilega kosningarbaráttu. þeir munu greiða aftur atkvæði fyrir flokka sem lofa og standa ekki við því sem sagt var.