Orkuver í Reykjahlíð?

Mývatn telst til þeirra svæða á Íslandi sem er hvað fjölsóttast hjá ferðamönnum. Ekki að ástæðulausu, því hér er að finna mjög sérstakt og merkilegt landslag. Í mörg ár hafa heimamenn byggt upp myndaleg ferðaþjónustu á Mývatnssvæðinu og jafnvel hafa verið skipulagðar vetrarferðir með þó nokkrum árangri. En menn hafa einnig raskað viðkvæma náttúru með því að starfrækta kísilverksmiðju þrátt fyrir aðvaranir af náttúrufræðingum. Það mun taka tíma að jafnvægi í náttúru Mývatnsins skapast aftur eftir brölt mannanna.

Nú eru hugmyndir uppi að hálfu landeiganda í Reykjahlíð að reisa orkuver þar sem kísilverksmiðjan hefur verið. Rökstuðningurinn er að þarna er hvort sem er raskað svæði þar sem verður ekki eyðilagt meira en hingað til. Gott og vel. Þá er bara ein stór spurning eftir: Fyrir hvaða starfsemi er áætlað að nota orkuna sem þarna verður framleitt? Hvar verða þessi starfsemi og hvernig verður orkan flutt þangað? Ég ætla ekki að trúa því að Mývetningar vilja setja slíka sjónmengun sem háspennulínur munu alltaf vera beint inn í sitt stórkostlega landslag.

Orkuver er eitt og flutningsleiðir annað. Þetta á auðvitað að meta sem heild. Því miður var það ekki gert á Suðurnesjum og þarna er að valsa yfir nokkur sveitafélög sem eru alls ekki sáttir við að fá háspennulínur þvert yfir sitt land. Hvernig mun þetta þróast á Mývatnssvæðinu?