Hvað er iðnaðarráðherra að spá?

Hvað er Össur iðnaðarráðherra að spá? Álverðið er allstaðar í heiminum á niðurleið, álfélögin draga saman seglin og segja upp þúsundum starfsmanna. En samt skal reisa álver í Helguvík.  Þetta er ekkert nema glórulaus þrjóska. Menn verða bara að viðurkenna að áldraumurinn um skjótan gróða er loftbóla eins og margt annað sem átti að gera okkur rík. Svo spyr ég einnig hvort maðurinn kann ekki að reikna. Orkan fyrir fullbyggt álver í Helguvík er ekki til staðar nema það sé virkjað á fleiri stöðum, þar á meðan á umdeildum stöðum eins og í neðra Þjórsá. Og Össur lætur frá sé fara ummælin eins og :" Ef við fáum ekki næga orku fyrir fullbyggt álver í Helguvík þá verður álverið þar bara minna". Hvaða samningar er verið að gera við Norðurál? Ég held að menn hlaupa á eftir einhverja óskhyggju og hunsa staðreyndir.

Alcoa segir upp 13.500 manns

Athugasemdir

[Skarfurinn, 7.1.2009 kl. 13:03]

Þú gleymir að Árni Sigfússon bæjarstjóri og fólkið á svæðinu heimtar þetta, þarna er mesta atvinnuleysið á öllu landinu. Þú mátt ekki vera svona blind vegna umhverfisverndar að þú viljir hafa alla atvinnulausa, það geta ekki allir verið fararstjóar eins og þið Guðjón. Loks er einhver ráðherra geriri eitthvað þá er það vanmetið strax, það er vandlifað á gjaldþrota skerinu, en álverð rokkar upp og niður og óþarfi að fara á límingunum yfir því.

[Úrsúla Jünemann, 7.1.2009 kl. 14:35]

Skarfur, ef það róar þig niður þá er ég einasta manneskja í okkar fjölskyldu núna sem heldur vinnuna og ekki riðum við feitum hesti með eitt stykki kennarakaup. En álbræðslur eiga sér ekki mikið framtíð hér á landi, þeir drepa meira að segja niður önnur atvinnutækifæri. Mundu eftir þessum orðum eftir fáein ár!

[Skarfurinn, 7.1.2009 kl. 15:01]

Ég skal gera það, en sjáfur er ég ekki sérstakur stuðningsmaður álverksmiðja, en þegar ástandið er eins og í dag og mönnum virðist ekkert annað detta í hug og verksmiðjan í raun ákveðin af fyrri ríkisstjórn þá finnst mér heldur aumt að húðskamma Össur fyrir þetta, sérstaklega með tilliti til óska bæjarbúa., kveðja til Guðjóns Mosa.

[Guðjón Sigþór Jensson, 7.1.2009 kl. 22:34]

Álbræðslur bæta ekkert atvinnuástand nema síður sé þegar upp er staðið. Þær eru fljótlegar hrossalækningar en engin varanleg bót er að, síst af öllu fyrir litla og fámenna þjóð.

Mosi