Flóttamaðurinn hann Davíð

Eiginlega ætlaði ég að hætta að blogga um Davíð, er sjálf orðin hundleið á þessu. En það sem maður sá í fréttunum í gær er bara með ólíkindum! Davíð á flótta: Þorir ekki inn í Seðlabankann (eða var hann falinn í sendiferðabílnum?). Davíð á flótta undan blaðamönnunum: Segist þurfa í læknisskoðun á Landspítala, læðist svo út hinum megin þar sem einkabílstjórinn hans bíður. Í dag vaknar manngreyið eldsnemma og læðist inn á sinn vinnustað til að vera á undan mótmælendunum.

Skelfilega virðist maðurinn vera með slæma samvisku að láta svona. Hugsa ykkur: Maður í hans stöðu í vinnu hjá þjóðinni gefur ekki kost á sér í viðtal, læðist bara með veggjunum, svara engu. Skítsama hvort þjóðfélagið brennur, hugsa bara um sinn eigin hag.

Nú skulum við bara panta lyklasmið og skipta um lása í Seðlabankanum. Sorry, Davíð, þín viðvera er ekki lengur óskað hér.

Athugasemdir

[Eygló, 11.2.2009 kl. 00:12]

Ef hann er ekki að gera eitthvert gríðarlegt kraftaverk sem hann vill klára áður en hann yfirgefur Seðlabankann, þá er hann líka orðinn alvarlega veikur, á sál og/eða líkama.

[Guðjón Sigþór Jensson, 11.2.2009 kl. 20:00]

Kannski hann sé að koma fyrir tímasprengjum eins og Einar Bolvíkingur og hvalveiðikappi.

Þetta eru varhugaverðir piltar!

Mosi

[Eygló, 12.2.2009 kl. 01:51]

Hugsið ykkur... EF hann ER nú í ALVÖRUNNI veikur t.d. á GEÐI?!

Það getur komið fyrir á bestu bæjum og fyrir besta fólk.  Er þá ekkert hægt að gera?

Ég meina ekki til samanburðar við Davíð, en með veikindi; Hitler hélt sínu striki þótt hann ...

[Úrsúla Jünemann, 12.2.2009 kl. 14:56]

Kannski ætti maðurinn að sækja geðrannsókn? Bara svona til örygis?