Að míga í alla brunna

Steingrímur J. er mjög orðheppinn maður. Á sínum tíma spurði hann hvort Davíð sé "gunga og drusla" því hann þorði ekki að eiga málstað við hann. Dæmi nú hver sem er hvort Davíð sé gunga og drusla, maður sem er í felum og þorir ekki í viðtal.

Í dag æsti Steingrímur sig svolítið hressilega þegar hann gagnrýndi Sjálfstæðisflokkinn. Núna þegar þessi flokkur er í stjórnaandstöðu þá "mígur hann í alla brunna og kveikir í öllu heyi sem hann finnur". Betra var varla hægt að lýsa það sem gerist núna á Alþingi. Menn í Sjálfstæðisflokknum eru í því að tefja mikilvæg mál með nöldur og athugarsemdum sem ekki máli skiptir. Hver spyr um hvaða flokk átti hugmynd af einhverju sem þarf að gera? Þarf að karpa núna um hvort álver verður eða ei? Þetta liggur ekki í okkur höndum heldur er mál þeirra álfyrirtækja sem eru núna að glíma við alvarlegt vandamál. Þarf að ræða hvalveiðar núna? Einar K.Guðfinnsson meig svo sannarlega í næsta brunn þegar hann framleiddi þessa sprengju á síðasta degi í sínu ráðherratíð. Skömm fyrir þetta!

Þjóðin er í neyð, margir atvinnulausir, skuldugir upp fyrir haus. Allt viðskiptalíf er í lamasessi og hver dagur skiptir máli. Geir Haarde sem fannst best að gera ekkert neitt frá því að bankarnir hrundu ætti að passa orða sinna núna sem þingmaður. Hugsa þér að hann ræddi ekki einu sinni við Gordon Brown þegar mesta þörf var á! "Ég hefði kannski átt að gera það" heyrðist  hann segja í viðtali í dag. En hann kann ekki ennþá að biðjast afsökunar.