Að setja úr einum vasa í annan

Jú, það hljómar vel: Fella niður 20% af skuldunum. Framsóknarflokkurinn ætlar aldeilis að afla sér vinsældar svona rétt fyrir kosninganna. En hver mun borga það sem tapast á þessum niðurfellingunum? Auðvitað við skattgreiðendur. Er réttlátt að þeir sem lifðu alltaf hofsömu lífi og skulda lítið eða ekkert eru látnir borga? Er réttlátt að  einstaklingar og fyrirtæki sem skulda mikið fá mestan afslátt?  Þetta er ekki svona einfalt. Það þarf að meta öll tilfellin sér ef þessi leið yrði farin. Illa rekin og of skuldsett fyrirtæki eiga auðvitað að fá leyfi að lognast út af, það er ekki vit í öðru.

Við skulum flýta okkur hægt í að hrópa húrra fyrir einhverjum auðveldum töfralausnum. Reynslan segir okkur að svona gengur sjaldnast upp.

Athugasemdir

[Finnur Bárðarson, 19.3.2009 kl. 15:24]

Ég er alltaf að spyrja að þessu: Hver á að borga og svarið er eitthvað á þessa leið: "Enginn þarf að borga neitt". Þrátt fyrir mikla fávisku er þetta ofvaxið mínum skilningi.

[Héðinn Björnsson, 19.3.2009 kl. 15:28]

Ég er enginn sérstakur talsmaður 20% hugmyndarinnar en það hefur orðið forsendubrestur í lánamálum á Íslandi.
Lánin hafa vaxið yfir eignarverð og það er ekki stabílt. Verði haldið í að það eigi ekki að fara í neinar almennar aðgerðir og segjum jafnvel að það verði hægt að gera slíkt án þess að missa landið í óeirðir að þá mun það líka kosta miklar afskriftir og halda landinu í gjaldþrotaskiftum vegna hrunsins lang fram á næsta áratug. Þeir sem eru veikir munu fara verst út úr því vegna þess að þeir standa verst þegar á að fara að semja. Þannig munu þeir sem eru með sambönd í bankakerfinu njóta þess meðan að aðrir lenda á götunni. Ég held að það sé nauðsynlegt að fara í almennar aðgerðir en held að aðferðin sem Lilja Mósesdóttir mun standa fyrir að fá samþykkta á landsfundi VG um helgina sé mun vænlegri.

[Eygló, 20.3.2009 kl. 00:42]

"Er réttlátt að þeir sem lifðu alltaf hofsömu lífi og skulda lítið eða ekkert eru látnir borga"

Nei, Úrsúla, það eru verðlaun fyrir þá sem stofnuðu til "ónauðsynlegra" skulda. Ég hef mesta samúð með fólki sem tók gengistryggð íbúðalán, já bara öll gengistryggð lán. Ekki búum við í stærri íbúðum en við vissum að ráða mætti við. Ekki eigum við dýrindis, húsgögn, bíla, sumarhús, og "leiktæki". Við hefðum ekki séð frammúr að borga það (fyrir utan það að hafa ekki áhuga á slíku dóti)

ÞETTA ER HRÓPANDI ÓRÉTTLÆTI