Bílaskuldir og flautur

Mótmælagleði hér á landi er að vaxa frá ári til árs, kannski ekki slæmt. En hvað var fólkið að meina með því að þeyta flautur til að mótmæla hækkun bílalána? Var það að mótmæla eigin heimsku, blindni og eyðslubrjálæði? Taka stórt lán fyrir glæsijeppa sem hefði mátt sleppa?

Ég vorkenni fólki sem var að fjárfesta í nauðsýnleg húsnæði. Það þurfa jú allir þak yfir höfuðið. En þeim er ekki vorkunn sem steyptu sér í skuldir fyrir einhver stöðutákn í góðærinu. Dómgreind þeirra var bara ekki betri en þetta.

Athugasemdir

[Eygló, 16.12.2009 kl. 13:53]

Ágæta Úrsúla, við verðum lagðar í einelti ef við látum svona eftir okkur hafa.  Ég er búin að nöldra um þetta sama lengi, lengi... frá því áður en holskeflan skall á.

Það verður þó að virða þessu fólki það til vorkunnar að þetta hefði enginn getað séð fyrir og miðað við áratug(i) á undan hefði fólk e.t.v. getað greitt (af) þessum lánum sínum.

Þakka mínum sæla fyrir að hafa aldrei keypt mér bíl fyrr en ég hafði safnað fyrir honum!

Ég hefði samt ekki kunnað við að fara á margmilljónabíl þarna niður eftir og kvartað "hástöfum"