Ennþá berjast Íslendingar höfuð við stein og ætla að halda áfram hvalveiðum, hvað það mun kosta skiptir engu. Og menn spara ekki stóru orðin í garð þeirra "svonefndu umhverfissinna" og kalla þá hryðjuverkamenn. Það er ekkert annað.

Hvalveiðar virðist ekki skila neinum hagnaði en skemma fyrir ferðaþjónustu og leggja stein í götu fyrir sölu okkar afurða til útlanda. Víðar í heiminum eru neytendur nefnilega komnir lengra en hér og velja hvaða vörur þeir vilja kaupa, frá hvaða landi og spyrja um framleiðslu þeirra.

Hvernig væri nú að menn hættu þessa gengdalausri þrjósku og sýna smá skynsemi? Ísland er bara lítil eyja með fámennri þjóð. Við getum ekki gert það sem okkur sýnist á alþjóðavettvangi.

Gjaldtakan á Geysir er alveg hneyksli. Menn sjá sér milljóna gróða og fara af stað án þess að dómsmálin séu útkljáð. En málið er ekki svona einfalt: Það svæði sem ferðamönnum finnst mest spennandi er í eigu ríkisins (Strokkur og fl.). Hvernig finnst mönnum stætt á því að heimta aðgangseyri á eitthvað sem þeir eiga ekki? Og hvar eru aðstöður sem réttláta að rukka fólkið? Til dæmis salerni? Á sumri þegar mest gengur á sé ég fyrir mér langar biðraðir út á veginn sem skapar hættu og leiðir til umferðateppu. Er það þetta sem við viljum bjóða upp á? Þetta mun vera mjög neikvætt í augum ferðamannsins. Ef þetta skapar fordæmi þá mun ég vera mjög miður mín að vera leiðsögumaður. Ég mun skammast mín að fylgja fólki um landið okkar með svona lagað.
Einasta og sanngjarnasta lausnin á ferðamálunum er að taka smá gjöld af öllum ferðamönnum sem koma til landsins, svonefnd styrk til
umhverfismála sem mun renna til uppbyggingu þeirra staði sem eru undir mesta álagi.
Ég skora á stjórnvöldin að standa sig loksins og taka málin föstum tökum áður en allt fer í óefni.

Dapurlegt þykir mér hvernig komið er fyrir ferðaþjónustuna. Allt í einu eru ferðamenn orðnir of margir og allt í einu sjá einhverjir landeigendur sér tækifæri að græða stórt.

Tökum bara dæmið um Kerið. Þar var búið að gera eitthvað fyrir aðgengi fólks með bílaplan og upplýsingarskilti, ríkið borgaði. Svo datt einhverjum "landeigendum" í hug að rukka ferðamenn fyrir að sjá djásnið. Ekkert hafði breyst nema það að skúr var komið upp þar sem má borga. Jú, einhver bæklingur er í boði. En gönguleiðin upp að þeim stað sem menn geta séð yfir Kerið er jafn hættuleg þeim sem eru óörugg á fótum: Möl sem rennur undir skónum og hætta á að skrika fótum.

Nú eru menn að koma með peningaglampa í augunum og ætla að fá greidd fyrir aðgengi að okkar stórkostlega náttúru. Ferðamenn skulu taka upp budduna hvar sem þeir stoppa. Sorglegt! Hvernig ætla menn að framkvæma þetta? Hafa vakt allan sólahringinn og allt árið? Loka athyglisverðar staðir með rammgera girðingu svo að enginn sleppi inn án þess að borga? Hvað mun gæslan kosta? Hve mörgum þarf að borga að sinna slíku? Myndi það borga sig fyrir rest?

Í dag var mjög góð grein í Fréttablaðinu sem fjallar um þetta. Hans Kristjánsson ferðamálafræðingur mælir fyrir "Iceland nature  tourist and safety pass" Þetta munu allir ferðamenn sem koma til landsins  sækja um á netinu og greiða fyrir. Þannig er veitt þeim aðgang að áhugaverðum stöðum  og fyrir utan það er eftirlitið frekar einfalt.

Þarf iðnaðarráðherra okkar ekki að lemja í borðið og drífa í að skapa heilstæða sýn á því hvernig við leysum þann vanda sem blasir við: Mikið af ferðamönnum, engar greiðslur frá þeim, engar peningar til að byggja upp og varðveita helstu ferðamannastaði, gullgrafaræði hjá landeigendum?

Halda þeir sem hafa sig sem mest fram í ríkisstjórninni virkilega að með því að þeir urðu kosnir sl. vor hefði það verið eins konar "þjóðaratkvæðagreiðsla"? Að mönnunum leyfðist núna í 4 ár að gera nákvæmlega það sem þeim sýnist, án þess að spyrja kóng né prest? Þannig virðast þeir sem sitja í brúnni hugsa. Mótmæli fleiri þúsund manns - og það á vinnutíma  venjulegs fólks - , mótmælaundirskriftir sem eru komin yfir 20.000 á stuttum tíma, skiptir það engu máli?

Hvar er lýðræðið, hvar er vilji fólks í landinu? Eru þessir menn ekki í vinnunni hjá okkur? Greiðum við þeim ekki kaup með okkar skattpeningunum? Þá verða þeir að taka ákvarðarnir  sem eru þjóðinni fyrir bestu en ekki einungis ákvarðarnir sem eru útvöldum gæðingum í hag.