Er einhver vit að koma í íslenska þjóðina?

Það er gleðiefni að íslenska þjóðin virðist á leið að rétta kompásinn eitthvað smávegis. Við gleðjumst yfir smá framför.

Stuðningur eykst við ríkisstjórnina

Kosningarþátttaka

Nú verður fróðlegt að heyra í sérfræðingunum. Hvers vegna var kosningarþátttakan svona lélegt? Ekki var það veðrinu að kenna. Var kosningarkerfið of flókið? Varla, hægt var að setja sig inn í þetta á stuttum tíma og kynna sér fólkið í framboði. En þessi klukkutími sem það hefði tekið var frekar eydd fyrir framan sjónvarpið eða tölvunni hjá mörgum. Ætlum  við virkilega að vera áfram með þennan uppgjafartón, láta bara allt gerast án þess að reyna að hafa áhrif? Nú heyrist hátt í hrunflokkunum og menn á þeim bæ eru kátir. Kannski hafa þeir rétt fyrir sér: Íslenska þjóðin á ekki betra skilið en að halda áfram eins og hefur verið undir þeirra stjórn.

Skapandi störf skila mestu

Það virðist vera að skapandi störf skila mestu en ekki stóriðja. Samt eru menn ennþá að hlaupa á eftir einhverjum úreltum stóriðjudraumum og berja hausinn við stein. Álver á Bakka skal það vera þrátt fyrir afar neikvæð skýrsla um áhrif þess. Mönnum þarna á NA landi er greinilega ekki bjargandi.

Álver á Bakka, er það ennþá á dagskrá?

Ég skil virkilega ekki þessa álhausa. Umhverfisáhrif í sambandi við þessi úreltu plön stóriðjunnar á NA landi liggja mjög greinilega á borðinu. Allir geta kynnt sér þetta. Samt eru sumir menn ennþá að berja hausinn við stein og hlaupa á eftir einhverjum draumum um skjótfenginn hagnað. Ekki eru mörg ár síðan við hrópuðum húrra fyrir Kárahnjúka- vitleysinu sem átti þátt í þenslu í okkar þjóðfélagi. Og flest allir eru vonandi að átta sér á því hvernig fór.

Fólkið á NA landinu á einhverjar dýrmættustu náttúruperlur á landinu. Ferðaþjónusta er ennþá vaxandi atvinnugrein sem skapar mörg störf - og ekki síst mörg "afleidd" störf. Ætla menn virkilega að fórna þessu? Hvað er meira atvinnuskapandi? Húsvíkingar sem vinna í ferðaþjónustu vita að hér er vaxtarbroddi til framtíðar.  

Bráðum koma blessuð...

Ég fæ ógeð af jólunum áður en þau koma! Getur þetta fólk hér á þessu skeri aldrei beðið eftir neinu í friði? Þarf að fá allt strax og núna? Svona var það í "góðærinu", var það ekki? Maður gat ekki beðið eftir því að eiga fyrir hlutunum, þurfti að fá allt strax, tók lán og aftur lán til að vera maður með mönnum.

Jólin byrja í Ikea í október, jólahlaðborðin verða auglýst grimmt frá því í byrjun nóvember og fyrstu jólaböllin eiga sér stað í byrjun desember. Krakkarnir eru að vera vitlausir af græðgi út af jólapökkunum og bera sig saman um hver fékk mest í skóna af einhverjum dularfullum jólasveinum sem voru þó upphaflega aumingjar og fátæklingar og stálu þar sem þeir gátu.

Aðventudagar eiga að vera stundir kyrrðar og tilhlökkunar til hátíðar ljóss og friðar. Hvernig er tilhlökkun til jóla hér í dag ef allt er tekið fram undan og ekkert er eftir? Þegar fólkið mætir í jólaveislu með ógeð af öllum þeim kræsingum sem það er þegar búið að sporðrenna? Þegar börnin eru búin að fá fullt af gjöfum? Þegar lætin og umstangið er búið að gera alla dauðþreytta?

Ég hlakka til jóla vegna þess að ég læt hjá mér fara allt auglýsingarskrum, vegna þess að ég hef slökkt á útvarpi fram í miðjan desember, vegna þess að ég fer í engar búðir fyrir jól nema til að kaupa daglega nauðsynjar.

Er fólkið að mótmæla eigin heimsku?

Hverjir eru það sem standa fyrir mótmælum núna? Fróðlegt væri að fá tölur yfir þá sem þegar voru eiginlega gjaldþrota þegar kreppan skall á. Þetta voru nefnilega ansi margir sem spenntu bogann of hátt og fóru í framkvæmdir sem þeir réðu ekki við. Bjartsýni er góður eiginleiki. En fífldirfska er verra.

Hvers vegna er sjálfstæðisflokurinn að vinna á?

Hvað er að íslensku þjóðinni? 2 ár eftir hrunið nýtur aðalhrunflokkurinn aftur hylli ótrúlega margra kjósenda. Og það þótt flokkurinn sé með sömu stefnu sem var uppi áður en ósköpin dundu yfir okkur 2008. Það á að efla atvinnulífið og auka hagvöxt: Með rányrkju á náttúruauðlindum og útsölu á orku til stóriðju. Jú, það mundi koma uppsveifla - tímabundið - og niðursveifla í kjölfar og grátur og gnístrandi tennur. Svo fylgdi kallið á fleiri stórframkvæmdir, meiri launtöku, meiri skuldsetningu. Það er svo grátlega stutt síðan við höfum upplifað þetta.

Loforðin um skattalækkun gengur alltaf vel í fólkið.  En hver myndi græða mest á þeim? Þeir sem eiga mest og fá hæstu launin. Líka þetta höfum við séð fyrir ekki alls löngu.

Hvar myndi ríkissjóðurinn taka peninga sem vanta? Með "hagræðingu" (sem er fallegt orð fyrir niðurskurður) í menntunar- og heilbrigðiskerfinu. Einkavæða þar sem mest sem þýðir að fátækt fólk hefur ekki aðgang að jafn góðri grunnþjónustu. Ég hvet alla til að kynna sér stefnu sjálfstæðisflokksins og hvað býr bak við fallegu orðin þeirra manna.

Flatur niðurskurður skulda er ekki rétta leið

Fegin er ég að ríkisstjórnin er ekki á þeirri leið að afla sér vinsælda með einhverjum fljótfærnislegum aðgerðum. Flatur niðurskurður skulda er ekki rétta leiðin. Það væri óréttlátt að þeir sem tefldu djarft í góðærinu og kunnu sér ekki hóf í neyðslubrjálæði fengu mest úr bitunum. Fólk hinsvegar sem tók nauðsýnleg lán, t.d. til að kaupa sína fyrsta íbúð væri ekki í jafn góðum málum. Ungt barnafólk með litlum tekjum myndi fá hlutfallslega lítið úr pottinum.

Og svo er það hugmyndin með lífeyrissjóðunum! Er það ekki hrein og bein eignarupptaka að lífeyrissjóðirnir taka þátt í að niðurgreiða skuldirnar? Við, sem borgum í þessar sjóðir eiga þessar peningar og eigum rétt á því að fá þær óskert útborgaðar í ellinni.

Ég er mjög hlynnt því að mótmæla hjá bönkunum, þar sitja sökudólgarnir sem ganga hart fram til að innheimta hverja einasta krónu frá litlu Gunnu og litla Jón en fella niður milljarðaskuldir hjá þeim sem stálu allt sem þeir gátu frá íslensku þjóðinni og þykjast svo eiga ekkert neitt til að borga tilbaka.

Einstaklingsmiðað nám?

Auðvitað bitnar niðurskurður í skólakerfinu á því hve vel er hægt að sinna nemendum. Námshóparnir hafa stækkað, kennarar eru undir meira álagi, námsframboð hefur minnkað og þá sérlega í verkgreinum. Öll falleg áform um einstaklingsmiðað nám eru orðin tóm. En við vissum auðvitað að þetta myndi koma, alveg eins og niðurskurður á öðrum sviðum. Mér finnst bara að það mætti viðurkenna að það á sér stað mikil skerðing á skólastarfinu, því miður. 

Kreppan bítur í skólakerfinu

Af hverju eiga þau ríku að fá mest?

Hugmyndir um niðurfærslu skulda heimila eru ekki alveg nógu sanngjarnar, vægast sagt. Eins og fram kom í fréttunum í kvöld þá gætu þau sem hafa hæsta tekjur staðið best undir því að greiða tilbaka húsnæðis- og bílalánin, afborgunin myndi taka um 30% af ráðstöfunartekjunum. Þau myndu samt fá langmest úr pottinum. Þau sem eiga lítið milli handa og standa í skuld vegna húsnæðiskaupa munu fá minnst. Þetta eru samt heimili sem eru í mestum vanda, þurfa nú verið að nota allt upp í 90% tekjunnar sínar í afborgun. Þetta gengur auðvitað ekki upp.

Íbúðalánasjóðurinn og lífeyrissjóðirnir munu stórtapa og það mun lenda þá aftur á okkur skattgreiðendum. Er að setja hér í hægra vasa og taka úr þeim vinstra?

Hvar er ábyrgð bankana í þessum málum? Á þeim bæ var bullandi hagnaður undanfarið. Á þar ekki einnig að taka þátt í að leysa vandann? Það er sífellt að hygla fjármálafyrirtækin á kostnað almennings. Þetta gæti kallast bankarán hinn síðari.