Smáþjóðaleikirnir

Það væri gaman að fá ýtarlegri fréttir frá smáþjóðaleikjunum sem standa yfir núna, jafnvel koma með beinar útsendingar. Þetta er merkilegur íþróttaviðburður þar sem okkar íþróttamenn standa sig yfirleitt mjög vel. Þetta er alþjóðlegt keppni milli landa sem eru svipuð á íbúatölu og getu og þar getum við séð hvar við erum staddir meðal jafningja. Mætti ekki stytta þessar yfirlangar fréttir frá hverjum einasta fótboltaleik og hverjum einasta atvinnumanni og segja meira frá smáþjóðaleikjunum í staðinn? Utanríkisráðherranum okkar fannst þetta allavega mikilvægara en margt annað hérna heima.

Hvað vill alþjóðagjaldeyrissjóðurinn hér?

Í gær, miðvikudagur 28.5. kom mjög athyglisverð  þýsk mynd í sjónvarpinu, því miður allt of seint, kl. 22.30. Ég efast um að margir sáu hana. En þar var dregið upp mjög dökka mynd af starfsemi og tilgang þess að alþjóðagjaldeyrissjóðurinn skipti sig af og lána peninga til ríkja í vanda. Þar voru einnig mjög sláandi dæmi um neikvæðar afleiðingar einkavæðingar. Ég held að Íslendingar ættu að fara mjög varlega í samskiptum við þennan sjóð. Þetta eru ekki "góðir gæjarnir" sem bjarga okkur úr kreppunni.

Ég vildi óska þess að myndin yrði endursýnd á góðum tíma og sem flestir myndu sjá hana.

Að stytta skólatímann

Auðvitað þarf að spara, því miður verður ekki komist hjá því að skera einnig rækilega niður í skólarekstrinum. Nú á að taka tilbaka það sem var "áunnið" eftir 6 vikna kennaraverkfall: Þá fengu kennarar kauphækkun fyrir það að starfa lengur á sumrinu. Skólaárið var lengt um 10 daga. Það var mjög í þágu foreldra yngri barna sem spöruðu sér pössun í 10 daga. En það gaf einnig svigrúm í skólastarfinu til að fara með nemendur í öðruvísi kennslu: Útivera, vettvangsferðir og leikir komu þar sterkt inn.

Nú á að stytta skólaárið aftur gegn því að lækka kaup kennara. Ég hef svosem ekkert á móti því að fá lengra sumarfríið aftur. En umræðan um þetta er ekki alveg á réttu plani. Heyrst hefur að lenging skólatímans hafi ekki skilað sér, börnin hefðu ekki lært meira. En ég er fullviss um að mörg börn læra aldrei meira en þegar þau fara í útinám og vettvangsferðir. Þar læra þau bara öðruvísi. Og við styrkjum marga þætti í slíku námi. Þar sem uppeldishlutverkið kennara vegur sífellt þyngra í skólastarfinu er mikilvægt að börnin læra að vera saman, leika saman, vera hjálpsöm og tillitsöm, kanna sitt nánasta umhverfi, bera virðingu fyrir náttúruna og stunda holla útiveru, helst allan ársins hring.

Ég vona svo sannarlega að niðurskurður í skólastarfinu mun ekki byrja á þeim þáttum sem eru skemmtileg og mannbætandi fyrir stóran hóp skólabarna.

Nauthólsvík - algjör sæla

Í gær freistaðist ég til þess að fara í Nauthólsvíkinni eftir vinnu, að dýfa mér aðeins í sjóinn í góðu veðri. Þvílíkur fjöldi sem var þarna samankomin til að baða sig í sól og sjó, að leika sér og njóta þess að vera til. Það er varla hægt að hugsa sér betra stað fyrir barnafólk að vera - og það að kostnaðarlausu. Þarna hefur stór hópur fólks stundað sjósund allan veturinn sér til heilsubótar, en nú tekur sumarstarfið við. Ég held að þessi staður ber alveg af hvað snertir framkvæmdir í borginni síðustu aratugi.

Eftir sjósundið sat ég svo föst í bílaröð sem náði alveg niður að bílastæðinu í víkinni. Hjólreiðarmenn tóku glaðir fram hjá og gáfu okkur hinum langt nef. Og ég lofaði því að fara aldrei öðruvísi en á hjóli í Nauthólsvík í góðu veðri héðan af.

Fjöldi manna upp á Esju

Betri helmingurinn og ég létum slag standa og löbbuðum upp á Esju í góðu veðrinu í gær. Bílastæðin voru yfirfull og fleiri hundruð manns á leiðinni. Gaman að sjá fólk á öllum aldri, í misgóðu formi, misvel útbúið, en allir að skemmta sér í útiverunni. Einnig var skemmtilegt að fylgjast með hundunum í öllum stærðum og gerðum. Og merkilegt var að það sást ekki hundaskít og varla neitt rusl eftir öllum þessum fjölda manna og dýra. Leitt að kaffihúsið við Esjuræturnar var ekki tilbúið. Þarna hefði verið hægt að gera hörku viðskipti þann dag.

Gott mál

Er það ekki gott mál að hollar matvörur lækka? þetta kemur öllum heimilunum til góða, því maður getur sparað á mörgum stöðum en varla er æskilegt að fólk sparar í að nærast almennilega.

Grænmeti og ávextir lækka

Óskiladótið

Í skólanum mínum var tekið upp á því að setja borð fram í anddýrið. Þar hefur starfsfólkið raðað snyrtilega upp allt óskiladótið, flokkað í kassa og körfur eða hengt upp á slá. Hvernig stendur á því að það safnast upp á hverju ári Þvílíkt magn af góðum og nothæfum fatnaði án þess að einhver virðist sakna þess! Nú eru börn mislengi að læra að passa dótið sitt, en þetta er uppeldi og þjálfun eins og margt annað. Undanfarin ár hefur ríkt  uppeldisleysi og virðingarleysi í þessum málum á mörgum heimilum og það þótti sjálfsagt að kaupa bara nýtt ef eitthvað týndist. Getum við aftur lært og einnig kennt börnunum okkar að bera virðingu fyrir eignum okkar og annarra?

Til hvers er strætó?

Um síðasta helgi tók ég strætó upp i Borgarnes. Ferðin tók 45 mínútur og var hin þægilegasta. En mér fannst verðið allt of hátt. Að borga 1000 krónur fyrir eina ferð er auðvitað alveg út úr kortinu. Á meðan maður kemst ódýrara á bíl þó að það er að ferðast einn og borgað í göngunni þá er strætó ekki samkeppnishæft. Nú á að leggja niður strætóleiðina í Borgarfjörð enda engin að nota hana.

Almenningssamgöngurnar eiga að vera raunhæfur kostur, þé. að fólkið græðir á því að sleppa bílinn. Strætisvagnar eiga ekki að fókusa á að það sé hagnaður í rekstri, heldur að sem flestir taka þann ferðamáta. Það er nefnilega hagkvæmt fyrir þjóðina að sem fæstir bílar séu á götunni. Hugsum bara um allar viðgerðir, aukna gatnaframkvæmdir, bílastæði, að það sé nú ekki talað um mengun og heilbrigðisvandamál.

Allir alltaf sammála?

Mér finnst svolítið merkilegt um hvað gagnrýnið snýst í garð nýrri ríkisstjórnar. Að það skyldu ekki allir vera sammála um öll málefnin. Mér finnst þetta einmitt skref í rétta áttina: Tveir flokkar mynda meirihlutastjórn, tveir flokkar sem eru í mörgu sammála en ekki í öllu. Þingmennirnir í sama flokki eru ekki heldur alltaf sammála um allt. Svona á lýðræðið að virka, menn svara eftir sínu sannfæringu en ekki eftir því hvað flokksforystan segir. Allt of lengi hefur slíkt verið upp á teningunum. Þannig átti minnihluturinn á þingi aldrei nokkur von að koma einhverjum frumvörpum í gegn og meirihluturinn réð öllu, enginn þorði að greiða atkvæði á móti.

Til hamingju, Ísland

Til hamingju, Ísland, með nýja ríkisstjórn. Þjóðin kaus vinstri stjórn því hægri öflin leiddu okkur í ógöngu. Góðærin voru ekki það sem sýndist, skýjaborgir hrundu og menn eru komnir niður á jörðina. Nú þarf heldur betur að bretta upp ermina, róðurinn verður mörgum þungur. En ég er vongóð að við munum rata rétta leiðina, með þolinmæði, vinnusemi og bjartsýni.