Annað Tschernobyl?

Í þágu hagvaxta hafa menn farið yfir skynsamleg mörk, ekki bara í Japan þar sem byggð voru kjarnorkuver á virkum jarðskjálftasvæðum. Ekkert átti að geta gerst en gerðist nú samt. Maður fær hroll að hugsa út í afleiðingar af því að ofnar í kjarnorkuveri bræða úr sér og ekkert virðist geta stoppað þetta. Annað Tschernobýl?

Hér á landi erum við búin að planta niður stórstíflu hjá Kárahnjúkum á  jarðsprungusvæði þrátt fyrir aðvaranir margra fræðimanna. Allt fyrir skjóttan gróða.  Þetta reddast! Svona mun ekki gerast hjá okkur! Japanir og Íslendingar eru ef til vill ekki svo langt frá hvorum öðrum.

Vind- og sólarorkuhlutabréf hækka

Fækkum frekar í bankastjórunum

Allt þetta kjaftæði um að fækka í skóla- og leikskólastjórnendum er auðvitað algjört hneyksli! Þessi stétt hefur staðið sig frábærlega ef ekki meira er sagt, unnið sína vinnu og dregið vagninn á erfiðum tímum. Sífellt er lagt meira á herðar þessara starfsstéttar því uppeldisstörfin virðist í æ ríkara mæli eiga sér stað í skólunum. Þjóðfélagið krefst þess að kennarar og stjórnendur skólana ala upp börnin.

Eftir hrunið var þjóðin að tala um að nú ætti að efla manngildin og minnka peningagildin. En í bönkunum okkar sitja aftur menn sem skammast sín ekki fyrir að þiggja milljónir á mánuði. Fyrir hvað? Þegar illa fer munu þessir menn væntanlega ekki axla ábyrgð heldur kenna öðrum um.

Nýtt og betra Ísland, hvar er það?

 

Að spara á börnunum

Alltaf er ráðast á garðinn þar sem hann er lægstur. Starfsfólk leikskóla og grunnskóla er kvennastétt. Og konur eru þægari og minna uppreisnagjarnar en karlar. Þær sinna bara sínum skyldum og reyna að gera það sem best.

Hugmyndin að spara með því að búa til stærra einingar í grunnskólum og leikskólum er ekki góð. Börnin eru ekki skepnur sem er hægt að rækta á hagkvæmaran máta í stórum einingum. Þeim líður betur í litlum einingum þar sem allir þekkja alla. Í fjölmennum leik- eða grunnskólum er hætta á að persónulega sambandið milli starfsfólks og barna verði minna. Í slíkri "fjöldaframleiðslu" eru skólastjórnendur ekki lengur í góðu sambandi við starfsfólkið og krakkana. Í litlum skólum þekkja stjórnendur öll börnin og allt starfsfólkið og oft hafa þeir þurft að hoppa í skarðið þegar þörf voru á. Að ætla sér að ekkert skerðist í skólastarfi með því að búa til stórar og "hagkvæmar" einingar er bara þvæla. það vita allir sem koma nálægt uppeldisstörfum.

Leikskólum fækkað í 59

Þjóðgarður, hvað er það?

Vatnajökulþjóðgarðurinn er stærsti þjóðgarður í Evrópu. Að vísu er mesti partur þess jökull en í útjaðrinum finnast margar einstakar náttúruperlur. Ég fagna mjög stækkun þjóðgarðsins þar sem Langisjór er kominn inn í verndaða svæðið.

Við Íslendingar eigum eftit að læra hvað það þýðir að vera þjóðgarður. Í þjóðgörðum allstaðar í heiminum gilda sérstakar umgengnisreglur. Umferðin fóksins er  stýrð og jafnvel takmarkað og gott eftirlit er með því að umgengni verði sem best.

Hingað til hefur verið óheftur aðgangur að hálendinu og fólkinu hefur verið treyst til þess að ganga vel um sem flestir gera. En vaxandi umferð og sífellt öflugri tól og tæki hafa skapað vandamál. Og svo eru alltaf svartir sauðir á milli sem skemma fyrir hinum. Ísland hefur verið auglýst sem "best off- road land" og og sjóræningja- fyrirtæki hafa gert út torfæruferðir fyrir útlendinga. Menn hafa stundað utanvegaakstur í auknum mæli, því miður.

Ég er mjög hlynnt því að stýra aðgang fólks inn í þjóðgarðana, framtíðin býður ekki upp á annað ef þjóðgarðarnir eiga að þjóna sínum tilgangi sem svæði sem eiga að njóta vernd vegna sérstöðu sína. Þetta verða líka þeir að skilja sem eru óhressir með það sem þeir kalla að "hefta ferðafrelsi". 

 

Einu sinni enn eru kennarar ekki að vinna?

Ummæli Halldórs Halldórssonar um vinnu kennara eru vægast sagt móðgandi og ófagleg. Formaðurinn Sambands Íslenskra Sveitarfélaga ætti að gæta orða sinna. Tímarnir sem kennarar eru að kenna segja ekki alla söguna. Alls konar skyldur eru lagt á þá eins og foreldrasamstarf, samstarfsfundir, fundir v. einstakra nemanda með sérþarfir, endurmenntun, alls konar bókhald og innfærslur, sífellt flóknari námsmat og svo mætti lengi telja upp. Kennarar vinna ekki eftir stimpilklukku heldur gefa mjög oft vinnu sína, t.d. í viðtölum við börnin. Enginn kennari myndi t.d. segja við barn: "Nú á ég kaffitíma, ég get ekki hlustað á þig".

Í hverjum mánuði þegar ég opna launaumslagið segi ég við sjálfa mig: Þú ert bölvaður asni að vinna krefjandi og slítandi starf með mikla menntun að baki fyrir slík lúsalaun. Hefur Halldór einhvern tíma borið saman kennarakaup í öðrum OECD löndum við það sem kennarar hér hafa upp úr krafsinu? Við vinnum við sífellt meira álag síðustu árin til að bjarga málunum og eigum ekki skilið að fá skítkast yfir okkur.

Niðurskurður í tónlistaskólunum

Tónlistalífið hér á landi er í miklum blóma. Flestir erum við stoltir af "okkar mönnum og konum" í þessari listgrein. Nú fékk Jónsi norræna tónlistarverðlaun og við óskum honum til hamingju með þetta frábæra afrek.

En hugmyndin um að skera harkalega niður í tónlistaskólunum er vægast sagt sorglegt og skammsýnt. Þessi áætlun mun útiloka flesta nema á framhaldsskólastígi frá frekari nám - nema einstaklingar eiga ríka foreldra. Ástsælir söngvarar eins og Kristinn Sigmundsson sem byrjaði söngnámið þegar hann var orðinn yfir tvítugur (söngnámið byrjar yfirleitt seint) munu með þessu fyrirkomulag ekki verða til hér á landi í framtíðinni. Það er kaldhæðnislegt að stoppa tónlistafólkið í námi þegar það er rétt að verða að alvöru tónlistamönnum. Þetta er bara heimskulegt.

Dómur gegn 9 mótmælendum

Mótmælin verða að vera kröftug svo það sé tekið eftir því. Nöldur í horni gerir ekkert gagn. Ég var satt að segja fyrir vonbrigðum með dómnum gegn níumenningunum. Fyrir hvað er að dæma þessar einstaklinga? Fyrir að nota rétt sinn til mótmæla? Fyrir það að lögreglan og þingverðir brugðust óþarflega harkalega við? Þetta var enginn innrás, það stafaði engum hættu af þessum mótmælum. Upptökur (þessi sem var ekki búið að eyða) sýna þetta vel. Er þetta skilaboð til fólks hér á landinu að mótmælin verða ekki liðin? Að allir eiga að vera sætir og halda kjafti?

Loksins alvöru umhverfisráðherra

Mér finnst það vægast sagt furðulegt að krefjast afsögunnar Svandísar umhverfisráðherra. Með henni fengum við loksins alvöru umhverfisráðherra sem sinnir sínum málaflokki af eldmóð. Dómurinn hæstaréttar er  - eins og sumt sem hefur verið dæmt núna undanfarið - svolítið litaður af fortíðinni, þegar hæstaréttardómarar voru skipaðir af pólitískum forsendum. Það eru fullar aðstæður til þess að fetta fingur út í að framkvæmdaraðilar borga sveitafélögum til að fá sínu framgengd. Í öðrum þjóðum kallast þetta mútur. Hvað í ósköpum voru hæstaréttardómarar að dæma hérna? Einhverjar formgallar eða hvað?

Að borga skuldir

Hvað er að þegar þjóð neitar að horfa í auga við að það þarf að borga skuldirnar sínar? Auðvitað eru ekki allir meðsekir en við erum þjóð og við eigum að standa saman í að krafla okkur upp úr vandanum. Að neita að borga Icesave er siðlaust. Í öðrum löndum var fólk sem treysti á að leggja spariféð sitt inn, alveg eins og hér þegar margir treystu bönkunum okkar í blindni. Við sleppum ekki við að bera ábyrgð á því að við vorum sofandi og gagnrýnislaus í "góðærinu".

Undirskriftir gegn Icesave

Borga Icesave, ekki spurning

þjóðverjar urðu að borga stríðsbætur í marga áratugi eftir að einn brjálaður maður kom heila þjóð algjörlega í rúst. Þeir voru aldrei spurðir hvort þeim fannst það réttlátt eða ei. Þeir áttu heldur ekki efni á þessu en urðu samt að borga. Alveg bókandi að flestir höfðu aldrei viljað stríð en þorðu ekki að mótmæla enda hefði það þýdd þunga refsingar og jafnvel aftökur.

Hér þoldu fáir að mótmæla Dabba kóng og hans hirðfylgi. Hér voru  margir hæstaréttadómarar skipaðir á pólitískum forsendum sem kemur glögglega í ljós núna: Margir eru vanhæfir að dæma í landsdómi vegna máls Geirs Haarde og nýjasta niðurstaðan vegna kosningar til stjórnlagaþings segir sína sögu.

Hér klöppuðu flest allir fyrir "fjármálasnillingunum" og trúðu á snilld þeirra, vildu vera eins og þeir. 

þjóðin var sofandi og kærulaus, margir kusu að detta í neyslufyllerí. Auðvitað  þurfum við að súpa seyði af þessu og borga skuldirnar, hvað annað? Sem fyrr sem betur.