Árni Páll, ég er sammála þér

Það er  mjög gleðilegt að ráðherra Samfylkingar þorir að setja spurningarmerki við það að Ísland er ennþá að eltast við stóriðjuna á óbreytum forsendum. Því tímarnir hafa breyst. Orkan er auðlind sem við eigum ekki að gefa frá okkur á útsöluverði. Ef álfyrirtækin þola ekki skattlagningu eins og víðar annarstaðar í heiminum þá erum við ekki plana okkur framtíð rétt að veðja bara á þennan hest. Verst er að við erum nú þegar allt of háðir þessum fyrirtækjum hvað atvinnumálin hér á landi snertir. Þökk sé Finn, Valgerði og fleirum sem græddu vel á álvæðingunni.

Veðja á réttan hest?

Hvað skal segja?

Hvað skal maður segja um Icesave- málið? Maður gengur með hnút í maganum af reiði út af óréttlætinu sem Íslendingar þurfa að sætta sig við. Ég er viss um að við þurfum einfaldlega að sætta okkur við að semja við Breta og Hollendinga á þessum nótum. Klára það mál til að geta byrjað að byggja upp aftur. Spurning um hvort við ættum að fara í mál við Breta út af öllu tjóni sem þeir ollu hjá okkur sl. haust með setningu hryðjuverkalaga. Það væri smá réttlæti að fá dóm okkur í hag.

Ég er enn reið!

Mér gafst fyrst í dag tækifæri að horfa á endursýndan sjónvarpsþáttinn um hrunið. Þessi þáttur ætti að vera skylda fyrir alla landsmenn að horfa á. Og gera sér grein fyrir hvernig ráðamenn í síðasta ríkisstjórn hafa farið í felur með sannleikann fram á síðasta stundu. Þarna var beinlínis logið að okkur (sumir vilja kalla þetta "hálfsannleika" en það má einnig kalla þetta réttu nafni: lygi). Þáttur Geirs Haarde í sorgarsögunni var skelfilegur. Sjaldan hefur Ísland átt eins auman og vanhæfan forsætisráðherra. Og Davíð Oddsson kemur ekki heldur vel úr þessu  ásamt sínum vinum og lærisveinum. Það kraumar reiði í mér og mun gera það áfram á meðan menn eru ekki dæmdir eftir sínum gerðum.

Hvað í ósköpunum kemur fólkinu í landinu til að styðja ennþá þennan flokk sem greinilega er höfundur að hruninu? Sjálfstæðisflokkurinn  vinnur meira að segja á í síðasta könnun. Er fólkið í landinu virkilega með slíkt gullfiskaminni, alltaf jafn ginnkeypt fyrri einhverjar fagurgala sem lofa öllu og efna engu? Bjarni Ben. lofar að ekki þurfi að hækka skattana. Hvernig ætlar hann að borga tilbaka skuldirnar sem hrönnuðust upp í þessu svonefndu "góðæri" undir stjórn flokki hans?   Með hvaða töfrabrögðum ætlar hann að vinna. Hvernig ætlar hann að taka svona bakdýramegin síðustu eignir frá litlu Gunnu og litla Jón sem hafa alltaf borgað brúsann í valdatíð sjálfstæðisflokksins?

Orkuskattur - eins og í öðrum löndum

Ég skil ekki þetta fjaðrafok um tilvonandi orkuskattinn. Þetta tíðgast  víðar um heiminn nú til dags. Er Ísland ekki einasta land í heimi sem skaffa orku fyrir mengandi stóriðju, steypir landið í skuldir með risavöxnum stíflum og tekur alla mengun og öll landsspjöll sem sjálfsagt á sína könnu?

Það mætti hafa orkuskattinn í lægra lagi svona til að byrja með og til málamiðlunar, en við skulum nú í framtíðinni meta okkur náttúruauðlindir rétt og láta borga fyrir afnot þeirra á viðunandi hátt.

Orkuskattur verður ekki króna á kílóvattstund

Aftur góðar fréttir

Fjárhæðin sem íslenska ríkið þarf að leggja til við endurreisn bankanna verður líklega bara tæpur helmingurinn af því sem svartsýnustu spár gerðu ráð fyrir. Ég get ekki varist þeirri tilfinningu að ríkisstjórnin hefur hingað til frekar gert góða hluti, þó að maður sé ekki alveg sátt við allt. En það er líklega varla hægt að vera sátt við allar aðgerðir sem þörf eru á núna, við erum því miður í allt of djúpum... til þess.

Ríkið leggi til mun minna fé

Áfram Svandís!

Lengi hefur verið skort í íslensku pólitíkinni af mönnum og konum sem þora að standa upp í hári á of framkvæmdaglöðum athafnamönnum. Sorglegt dæmi er bröltið í kringum álverið í Helguvík. Framkvæmdir hófust þrátt fyrir að margt var í óvissu. Átti þetta að verða lítið og nett álver sem gleypti ekki meira orku en var hægt að afla með góðu móti? Auðvitað var planað strax risaálver eins og á Reyðarfirði, landsmenn voru bara aðeins róaðir niður og plataðir smávegis: Þetta verður bara lítið álver og öll orkan sem þarf er til staðar. Og framkvæmdaglaðir menn æddu af stað. "Þetta reddast" hugsjón varð uppi og bjartsýni meira en æskilegt var. Svona vinnubrögð eru vægast sagt óheiðarleg og fara í kringum staðreyndir sem alþýðan má ekki frétta mikið af. Því miður eru framkvæmdir í Helguvík byrjaðar og hafa þegar kostað mikið. Og hvert starf sem þarna verður til mun kosta einnig mjög mikið.

Orkuveitan er í miklum vanda að fá lán fyrir frekari virkjunarframkvæmdir. Það er nú kannski ekki skrítið að menn halda að sér höndum með að lána okkur meira. Og kannski er æskilegt að Ísland steypir sig ekki í hærri skuldir eins og staðan er. Við veltum ekki vandamálin endalaust á undan okkur með fleiri lántökum.

Ég fagna því að umhverfisráðherra okkar hefur bein í nefi og tekur aðeins í bremsurnar. Umhverfismatið skal vera sameiginlegt fyrri verksmiðjuna og raflínur sem tengjast þessu. Þetta tilheyrir sömu framkvæmd og er þess vegna ósköp eðlilegt. Fyrri þetta fær hún mjög ómakleg gagnrýni frá þeim sem hugsa skammt og sjá ekkert annað en stóriðju til að bjarga þjóðinni. En handan við hornið eru möguleikar sem eru margfald verðmætara. Tökum bara dæmi um að rafvæða stóran part af bílunum og skipaflotann. Einnig mætti búa til betra rekstrarumhverfið fyrir garðyrkjubændur, þeir skapa mikið verðmæti og talsvert af störfum. Við megum  bara ekki festa alla orku í stóriðju og setja öll egg í sömu körfu.

Árni Sigfússon í Reykjanesbæ var mjög taugaóstyrk í gær í fréttunum. Hann veit líklega að hann er búinn að baka sínu bæjarfélagi stórvandræði með því að veðja á vitlausan hest. Og ekki er greinin hans sem var birt í Morgunblaðinu í gær mjög málefnaleg. Spurningin er hver er að stunda nornaveiðar.

Í Fréttablaðinu í dag er birt grein þar sem fullyrt er að meira en nóg af orku er til fyrir Helguvik. Skoðum þetta nánar: Inn í þessum tölum eru virkjarnir sem eru mjög umdeild og munu vonandi aldrei risa vegna gríðarlegra umhverfisspjalla á stórkostlegum svæðum: Bitra og Neðri þjórsá. Og á teikniborðinu er meira: Eldvörp, Gráhnjúkar, Krýsuvík og Norðlingaalda! Hvað ætla menn að ganga langt? Svona fréttaflutning er mjög villandi enda er stólað mikið á að fólk rennir bara yfir það feitletraða og les ekki alla greinina.

Ég vona að Svandís Svavarsdóttir verður sem lengst í stól umhverfisráðherra og heldur áfram að taka ákvarðarnir í þágu umhverfisverndar og heilbrigðrar þróunar í íslensku samfélaginu.

Ekki svo slæmar fréttir

Þetta eru frekar jákvæðar fréttir sem berast um atvinnuástand hér á landi. Svörtustu spáin ganga greinilega ekki eftir, sem betur fer og atvinnuleysið fer minnkandi. 

Atvinnuleysi er mikil bölvun og sérstaklega slæmt fyrir unga kynslóðina sem hefur alist upp við að fá allt og það helst strax. Góðærisbörnin þurfa að læra að spara, bíða stundum og sniða sér stakk eftir vexti. Og ekki síst fara vel með verðmætin.

Flestir á atvinnuleysisskrá eru erlendir verkamenn. Þegar vertakarnir töpuðu sér í framkvæmdagleði fyrir örfáum árum þá voru þessir menn velkomnir. Þeir gerðu litlar kröfur um aðbúnað og sættu sig oft við lægra kaup. Nú sitjum við uppi með vandanum þegar engin vinna er að hafa fyrir þetta fólk. Þetta hafa fleiri lönd í Evrópu upplifað á undan okkur. En við þurfum auðvitað að gera sömu mistökin, getum ekki lært úr reynslu annarra.

Við þurfum að horfa líka til þess að í flestum vestrænum löndum  eru atvinnuhorfurnar ekki betra en hjá okkur á Íslandi. Kannski þurfum við að átta okkur á að það er í lagi að vinna verkamannavinnu. Enginn er of góður til að skapa verðmæti á þennan hátt.

Atvinnuleysið 7,2%

Framsókn í sókn?

Tveir sjálfumglaðir menn fóru til Noregs til að bjarga íslensku þjóðina. Þóttist vera vissir um að þarna beið stór lán handa okkur sem enginn vissi um nema framsóknraflokkurinn. Ásökuðu ríkisstjórnina um að sinna ekki mikilvægum málum. Og hvað svo? Norðmenn hristu bara hausinn alveg eins og fyrir ári síðan enda eru menn á þeim bæ mjög hagsýnir og lána ekki bara sisvona út af vinskap (þetta fyrirbæri er því miður alíslensk).

Sigmundur Davíð og Höskuldur, hættið þið þessu bulli! Ef ykkur hefur tekist að auka fylgi flokksins út af svona lagað þá er bara tímaspursmál hvenær það lækkar aftur. Allt sem fer upp fer einhvertíma niður aftur, sérlega þegar allt er byggð á sandi. Þetta veit íslenska þjóðin eftir hrunið.

Litil fyrirtæki standa frekar vel

Í kvöldfréttum í gær var sagt frá því að  ekki séu mörg af litlu og meðalstóru fyrirtækjum í gjaldþrotahættu. Talað var um 10%. Þetta er miklu betra útlit en talað var um. Það eru hins vegar stóru fyrirtækin sem skekkja myndina talsvert. Og svo eru það litlu og meðalstóru fyrirtækin sem skapa flest störf  hér á landi. Og hvert starf sem þessi fyrirtæki skapa kostar frekar litið.  Er þetta ekki umhugsunarefni? Hvað kostar hvert starf í álveri?

Góð þjónusta, bara fyrir ríka og fallega gengið?

Það eru blendnar tilfinningar hjá mér að lesa um áætlun að setja af stað sjúkrahús fyrir vel efnaða útlendinga. Gott og vel: Það er atvinnuskapandi, einhverjar peningar skila sér (kannski) til landsins. En hvað svo? Sagt var að Íslendingum stendur þessa þjónusta ekki til boða - nema að þeir borga allt úr eigin vasa. Við vitum að til er fólk hér á landi - þrátt fyrir kreppuna - sem á "skítnóg" af peningum. Þeir munu auðvitað kaupa sér fram fyrir hina "aumingja" sem eru háðir sjúkratryggingu hér á landi. Mér þykir mjög líklegt að biðlistarnir munu aukast talsvert. Ég varð að bíða 1/2 ár til að komast í liðskiptaaðgerð og var mér tjáð að ég væri í forgangsröðinni vegna þess að ég væri ennþá á vinnumarkaðnum. Hvað þá um fólkið sem er komið á eftirlaun og á ef til vill 10 - 15 ár eftir? Á það að þjást endalaust og verða af fjölda góðra ára sem það er búið að vinna fyrir? Svo er líka spurning hvert bestu og færustu læknarnir munu fara. Á þessum einkasjúkrahúsum fyrir ríka fólkið verða auðvitað betri kjör en á almenningssjúkrahúsum. Það þarf bara að leggja saman 2 og 2 til að sjá hvert stefnir.