Gott hjá Ögmundi

Ég ætla að þakka Ögmundi fyrir að afnema dagdeildargjöldin aftur sem Guðlaugur Þór lagði á þann hóp í þjóðfélaginu sem síst á efni á auknum útgjöldum. Vonandi verður Ögmundur sem lengst í embætti heilbrigðisráðherrans. Ríkið getur sparað á öðrum sviðum heldur en á sjúku fólki. Sem dæmi má nefna varnarmálin, þar má strika hressilega út. Svo mætti leggja skatt á notkun nagladekkja sem valda gríðarlegum kostnaði í gatnaviðgerðum á hverju ári. Minnkun svifryks myndi auk þess skila sér í betra heilsu þeirra sem eru viðkvæm fyrir þennan óþvera.

Ögmundur afnemur dagdeildargjöld

Að setja úr einum vasa í annan

Jú, það hljómar vel: Fella niður 20% af skuldunum. Framsóknarflokkurinn ætlar aldeilis að afla sér vinsældar svona rétt fyrir kosninganna. En hver mun borga það sem tapast á þessum niðurfellingunum? Auðvitað við skattgreiðendur. Er réttlátt að þeir sem lifðu alltaf hofsömu lífi og skulda lítið eða ekkert eru látnir borga? Er réttlátt að  einstaklingar og fyrirtæki sem skulda mikið fá mestan afslátt?  Þetta er ekki svona einfalt. Það þarf að meta öll tilfellin sér ef þessi leið yrði farin. Illa rekin og of skuldsett fyrirtæki eiga auðvitað að fá leyfi að lognast út af, það er ekki vit í öðru.

Við skulum flýta okkur hægt í að hrópa húrra fyrir einhverjum auðveldum töfralausnum. Reynslan segir okkur að svona gengur sjaldnast upp.

Gott fyrir sálina

Skemmtilegt var að lesa fréttina um að sjálfboðaliði hjá Rauða krossinum fór í heimsókn á elliheimili og leyfði öldruðum að komast í snertingu við hundinn sinn. Bæði ungt og gamalt hefur gott af því að umgangast dýr. Þetta er mannbætandi og gott fyrir sálina.

Það hefur uppeldislegt gildi fyrir börn að eignast dýr og þurfa að sinna því. Dýr eru nefnilega ekki leikföng heldur vinir og félagar.

Loðinn og ferfættur sjálfboðaliði

Grensásdeildin

Fyrir rúmu ári kynntist ég Grensásdeildinni og því frábæra starf sem fer þar fram. Ég var nýkomin úr liðskiptaaðgerð á hné, mér var "hent út" úr spítala eftir aðeins 3 daga. Svo fékk ég að vera á Grensás í 5 daga í viðbót til endurhæfingar. Mjög stuttur en mjög mikilvægur tími fyrir áframhaldandi bata. Þar kynntist ég fólki með mjög alvarlega fötlun, oft eftir slysi.

Er virkilega satt að það stendur til að fækka leguplássum á Grensásdeildinni um helming? Hvert á fólkið að fara sem þarf á þessum plássum að halda? Ekki fer þeim allt í einu að fækka um helming eða hvað?

Þvílíkur viðbjóður!

 Ég forðast það yfirleitt eftir bestu getu að fara til Reykjavíkur á svona dögum eins og í gær. Þvílíkur viðbjóður sem maður andar að sér þegar kalt er í veðri og logn. Það lá grár mökkur yfir öllu. Svifryksmengun hefur verið langt fyrir ofan viðunandi mörk síðustu dagana. Þegar ég kom heim þá var húðin mín þurr eins og sandpappír, nefið stífluð og ég var byrjuð að hósta. Nei, þetta er ekki kvef, þetta eru afleiðingar loftmengunar. Hversu lengi á það ennþá að vera leyfilegt hér á landi að berja göturnar með nagladekkjum?

Bravó , nýja ríkisstjórn!

Það á nú enginn að segja að það sé ekki eitthvað að mjakast í rétta áttina. Eftirlauna- ósóminn var loksins leiðrétt. Það sem ríkisstjórn Sjálfstæðis- og Framsóknarflokks vildi aldrei breyta það heppnaðist núna, loksins.

Nýja ríkisstjórnin tók við mjög erfiðu búi og þarf auk þess að glíma við íhaldsmenn sem eru í fýlu og á móti öllu og við Framsókn sem vill alltaf eiga síðasta orðið. Samt tókst að koma frumvörp í gegn sem eru mikilvæg fyrir endurreisnina hér á landi. Frábært!

Eftirlaunafrumvarp samþykkt

Með jákvæðni að leiðarljósi

Í Varmárskóla í Mosfellsbæ standa nú yfir svonefndir þemadagar. Í 3 dagar spá kennarar og nemendur í sjálfsbærni, náttúruvernd og endurvinnslu /endurnýtingu. Fyrir bara ári síðan hefði þetta þema ekki fengið eins góðan hljómgrunn, held ég. En núna er það komið svo sannarlega í tísku að nýta efnið og gera flott úr engu. Alveg ótrúlegt hve hugmyndarríkt og skapandi fólkið getur verið. Og við eigum þennan sköpunarkraft í okkur. Kannski ber framtíðin margt gott í skauti sér og kreppan er ekki alslæm. Jákvæðni og mátulegt bjartsýni geta gert kraftaverk.

Er vorið á leiðinni?

Alltaf sama bjartsýni! Nú fer fólkið að spyrja hvort vorið sé í nánd. Og það er bara febrúar! Að minnst kosti 2 mánuðir af vetri eru eftir. Spyrjið þið birkið, það veit hvenær það á að springa út.

En krummarnir eru byrjaðir að krunka sér saman og fýlarnir farnir að máta gömul varpstæði. Og í morgun var í fyrsta skipti farið að birta þegar ég fór í vinnunni. Svo það er allt á réttri leið. Fyrir utan þetta voru Davíð og Eiríkur að kveðja loksins í Seðlabankanum. Kannski er vorið virkilega að koma.

Hvað fékk Höskuldur fyrir þetta?

Smámsaman er mér öllu lokið! Enn og aftur er að koma í veg fyrir að seðlabankafrumvarpið verður afgreitt. Og þarmeð er ennþá allt stopp og ekkert gerist í fjármálakreppunni hér á landi. Við vitum að Sjálfstæðisflokkurinn ver Davíð í rauðan dauðan sem einn maður. En hvað gengur Höskuldi til? Þetta eru ekta framsókna - takta: Að halda sig opinn í báða enda og og vera svo tilbúinn að skríða undir sæng með þeim sem bjóða best. Hvaða sannfæringur er það sem maðurinn er að tala um? Varla er Höskuldur að tala um hag þjóðarinnar. Hver dagur í bið þýður tap!

Ekki hætta núna!

Ég lét mig hafa það og stóð vaktina á Austurvelli í trekk og kulda á laugardaginn. Fáir mættu á þennan mótmælafund. En við erum ekki komnir mjög langt í því að byggja upp nýja Ísland. Davíð situr enn í Seðlabankanum og hyggst ekki fara neitt. Sjálfstæðisflokkurinn ver hann með kjaft og klóm (og vinnur á í síðasta skoðunarkönnun). Verðtryggingin er óbreytt, okurvextir enn til staðar. Og verst af öllu: Það gengur illa að kyrrsetja eignirnar auðmanna og draga þá fyrir dóm. Það jafnvel tekst ekki að koma í veg fyrir að þetta glæpagengi dúkkar aftur upp og hagnast á því að kaupa upp rústirnar hér fyrir slikk. Þannig séð er "nýja Ísland" enn í órafjarlægð.